Kush Jemi Ne?

Me një histori afarizmi prej tre brezave, No End Shoes është një prej kompanive më të besueshme vendore në tregun e çantave dhe këpucëve. Në vitin 1967, gjyshi i pronarëve të tanishëm hap dyqanin e parë të këpucëve në qendrën e kryeqytetit, në Prishtinë. Njëkohësisht, punën e tij fisnike ai e vazhdon me prodhimet nga punëtoria e tij, që tashmë gjendet brenda dyqanit.

Me rritjen e interesimit në prodhimtari, në vitin 1991, kjo punëtori fillon të merret me prodhim dhe shitje me shumicë , duke eksportuar këpucët në vendet e rajonit. Ajo që filloi si një punëtori modeste këpucësh, sot vazhdon si një ndërmarrje e respektueshme tregtare me emrin No End Shoes.

Me sfidat e mëdha të luftës ‘98-‘99, si çdo biznes tjetër në Kosovë, ndërmarrja pati mjaft ngecje. Puna u sistemua nga fillimi, ku rëndësi enorme i’u dha cilësisë dhe besueshmërisë në treg.

Qëllimi jonë kryesor ishte që të bëhemi marka e parë që vije në mendje kur mendohet besueshmëria. Për këtë, u siguruam që të krijojmë vlerë me cilësinë e lartë të artikujve dhe çmimet më të volitshme në Kosovë. Që nga atëherë, No End Shoes bashkëpunon me brende që përdorin lëkurën më të pastër për produktet e tyre dhe kanë renome botërore sa i përket cilësisë.

Bashkëpunimi me marka të shumta bën që No End Shoes të ketë gjithnjë dizajne shumëngjyrëshe në stok dhe koleksione atraktive për çdo sezonë. Me një qëndrim inovativ tregtar, ne mbështesim edhe modën e shpejtë, gjë që siguron koleksione të reja gjatë gjithë kohës.

Çka ka më së shumti rëndësi është se ne jemi këtu për adhuruesin e këpucëve. Ne i bëjmë trendet botërore shumë arritshme për klientët tanë, duke plotësuar veshjen tuaj çdo herë. Si biznes familjar, ne punojmë tërë kohën që të jemi pranë jush, qoftë me artikuj të shkëlqyer, qoftë me shërbim fantastik ndaj klientëve.